Brenda muzeut të familjes  së Adem Jasharit, gjendet edhe paneli, në të cilin janë të vendosur 59 të vrarët në Prekaz më 5, 6 dhe 7 mars 1998.

Ky panel, sipas ciceronit të këtij muzeu, Xhevat Imeri, është dëshmia më e fort  kundër dezinformatave të regjimit serb, se këtu ka ndjekur terroristë dhe jo civil të pafajshëm.

“Këtu është paneli me gjithë të vrarët e familjes Jashari me 5,6 dhe 7 mars. Kjo thënë të drejtën kjo na ka ndihmuar shumë, sepse serbët dhe regjimi serbë ka bërë një dezinformatë për luftën dhe  UCK-në se gjëja këtu kanë ndjekur terroristë. E këtu në realitet ky panel është dëshmia më e fort e kësaj ngjarje, sepse këtu  s’ka pasur të bëj ushtri me ushtri. Qëllimi i ushtrisë serbe ka qenë që të vritet Ademi si lider dhe të shuhet  lëvizja e UÇK-së”, ka thënë Imeri.

Sipas tij, edhe pse këtu është vrarë Adem Jashari, lufta për liri nuk u ndal deri në çlirimin dhe pavarësimin e vendit.

Imeri, thotë se në këtë panel gjenden fotografitë dhe të dhënat e 59 të vrarëve, në mesin e tyre 21 fëmijë.

“Po edhe pse Ademi vritet këtu, është vet lufta e tij, e cila në një farë forme e mobilizoi gjithë shqiptarinë, u kyçen dhe u bashkuan në këtë luftë, duke pasur parasysh që sakrifica  dhe lufta e tyre sot u bë liri dhe pavarësi e Kosovës. Këtu ka gjithsej 59 të vrarë, po prej tyre janë 55 nga familja Jashari, në mesin e tyre 32 janë meshkuj, 23 janë femra dhe 21 janë fëmijë”, u shpreh Imeri./arbresh.info